Artistic –  espressîf – sientific: suntun sfuei blanc o fâs sù un paisaç cun diviers colôrs e po cun sfueis di cjarte veline blancje o fâs la fumate che e tapone il gno dissen fasint deventâ plui lizeris lis formis. La storie in viers e conte il fenomen sientific de formazion e dal sfantâsi de fumate.

Une niule blancie di vapôr

si cale planc e dulintor

e tapone prâts, arbui e cjasâi

si slargje tra boscs e fossâi

ogni robe a smavìs intal vapôr

si piert la tramontane ator…

ma une bave di aiar di Autun

e rive lizere di insom

e sfalde la blancje fumate ca jù

e la lune e lûs intal cîl là sù.