JULIETE E ROMEU IN FRIÛL Scuele Secondarie di Paulêt – I.C. di Faedis
Il percors al è stât centrât su la scuvierte des origjins furlanis dal mît shakespearian di Juliete e Romeu. Si trate di une vicende cuasi no cognossude, infûr di une nicje culturâl di ‘elite’. Si à volût puartâ ae cognossince dai students i risultâts de ricercje filologjiche di Cecil Coulgh, che al à scuvierte la storie leterarie de novele “Juliete” di Luigi Da Porto. La novele e à ufiert a William Shakespeare la ispirazion par componi la sô tragjedie imortâl che e à dât glorie eterne aes vicendis dai doi inamorâts e ae ambientazion veronese de storie.
Si à sielzût di fâ une comparazion tra la vicende storiche origjinâl e chê leterarie traviers la analisi dai nons dai protagoniscj e dai lûcs dulà che e je stade ambientade la storie.
Si à volût fâ rifleti sul valôr dal patrimoni storic-leterari de nestre regjon e su la impuartance di cognossi il propri teritori.
LA MAPE
LA MAPPA
I MATERIÂI