IL PIÇUL PRINCIP Scuele primarie di Tavagnà – I.C. di Tavagnà
I arlêfs de classe cuinte de Scuele primarie di Tavagnà a àn acetât cun interès lis propuestis linguistichis leadis a chest progjet. Daspò la leture dal libri “IL PIÇUL PRINCIP”, la comprension des carateristichis dai personaçs e la lôr rapresentazion grafiche, cu la vuide de insegnante a àn let, comprendût e aprofondît ancje tescj poetics de leterature furlane, capint il messaç che a contegnin e savint fâ colegaments a lis situazion dal libri let. Il percors si è sierât cu la scriture di un stampon e cu la recitazion e lis coreografiis de rapresentazion teatrâl al Teatri Bon di Culugne.
I arlêfs ancje traviers cheste propueste, che e à sierât il lôr percors inte scuele primarie, a àn fate la esperience di une lenghe e di une culture, chê furlane, buine di colegâsi e di completâ tancj aspiets e contignûts dal percors didatic. A àn mostrât di vê, di man in man, consolidât l’interès e il rispiet par dutis lis lenghis e culturis minoritariis, che a contribuissin a tignî vivis, a preservâ e soredut a tutelâ lis cognossincis culturâls che a esprimin.
LIS MAPIS DAL PERCORS
I MATERIÂI