LÛS E ART INTE SCUELE PRIMARIE – Scuele Primarie di Atimis – I.C. Faedis
I fruts a àn colaborât tra di lôr te realizazion di diviers esperiments sientifics e produzions artistichis, esprimint lis lôr ideis creativis e origjinâls dopo di vê osservât fenomens leâts a la lûs e oparis di artiscj famôs. La modalitât CLIL, la metodiche laboratoriâl e cooperative a àn stuzigât la motivazion, promovint la atenzion, la curiositât dai fruts intai confronts dai contignûts e sostignint dutis lis ativitât di leture-scriture e di produzion orâl.
Il percors “Lûs e art inte scuele primarie” si svilupe in mût coerent e in continuitât cui percors laboratoriâi za inviâts intes classis: di fat al ven proponût a completament e a integrazion des ativitâts di scuvierte e cognossince dal ambient colegadis al progjet gjenerâl de scuele “Eolo cence frontieris”. Chest progjet sul svilup des competencis si mostre tant che une suaze in rispueste aes dibisugnis dai fruts e ai stimui/domandis dal teritori. 
Al proviôt un aprofondiment dai temis leâts aes fonts e aes formis di energjie e al lôr ûs inte realtât dongje dal frut, scomençant des peculiaritâts dal ambient locâl e ae osservazion di fenomens fisics.
I percors sientifics, za tai agns passâts, a son stâts leâts ancje a percors di svilup des competencis intes lenghis minoritarie e inglese. Lis ativiâts davueltis a àn viodût une vore di interès de bande dai fruts pes modalitâts operativis leadis al doprâ lis lenghis in contescj concrets ludics e laboratoriâi.
La mape:
LÛS E ART INTE SCUELE PRIMARIE mape
I materiai:
1. LA LÛS TES IMAGJINIS unitât didatiche
2. LIS OMBRIS unitât didatiche
3. LA RIFLESSION SU LIS SUPERFICIS PLANIS unitât didatiche
3a. RIFLÈS SU SPIELIS DRETS siencis
4. LA RIFLESSION SU LA SUPERFICIE DE AGHE unitât didatiche
5. ESPLORAZION TAL SCÛR unitât didatiche
Lis fotografiis:
