PIERLUIGI CAPPELLO. SU LIS ALIS DE POESIE – Scuele Secondarie di prin grât di Paulêt – I.C. di Faedis
Il percors proponût chest an si incuadre tal ambit de vite e des oparis poetichis di Pierluigi Cappello, un dai plui grancj esponents de leterature furlane dal dì di vuê. Si trate di un poete une vore versatil, elegant e rafinât che al invide ae riflession sul valôr des peraulis e dal ûs de pene, dai suns e de imagjinazion, che e permet di petâ il svol e di jessi libars a dispiet dai leams e dai impediments de vite pratiche e dal cuarp. Cappello di fat al è testemoneance vive dal valôr di salvece che a àn la poesie, la leterature e la fantasie par ricostruî la proprie identitât, la proprie fuarce e par sintîsi libars. Si trate di un messaç cetant impuartant e siôr di ideis umanis e emotivis par fantacins che a son daûr a vivi lis tensions de pre-adolessence, in lote cul lôr cuarp, ae ricercje di une identitât, di un spazi tal mont e di una rispueste ai lôr interogatîfs e ae lôr ricercje di significât.
MAPE DAL PERCORS
MAPPA DEL PERCORSO
I MATERIÂI