LA VUERE DOPO LA VUERE Scuele primarie di Faedis – I.C. di Faedis

Il percors “La vuere dopo la vuere” al cjate la sô motivazion te volontât di puartâ i fruts e i fantacins a rifleti su lis conseguencis de vuere e sui efiets lassâts de prime o de seconde vuere mondiâl daspò che chestis a son finidis. La riflession e à volût cjapâ dentri fruts e gjenitôrs intune ricercje corâl di testemoneancis intes fameis, sul teritori, tai documents e te iconografie. Il percors al è stât mediât de insegnante in mût di fâ riferiment ae realtât locâl, traviers une cognossince de storie nazionâl di une bande e des testemoneancis di cualchidune des fameis dai stes arlêfs di chê altre. Segns e testemoneancis a son stâts cjatâts ancje in diviers lûcs dal paîs.

La sielte metodologjiche e je stade chê di operâ su la fonde di un curicul agjît e personalizât, in riferiment ai obietîfs stabilîts dal curicul di Istitût e dal Plan de Ufierte Formative.

Par favorî la partecipazion ative dai arlêfs e la condivision des riflessions e je stade doprade une metodologjie ative clamade TASC (Teach Active in Social Contest). Il principi di fonde al è chel dal superament de lezion frontâl, traviers moments di riflession individuâl, lavôr in cubie e in piçul grup; la comunicazion e ven fate  di front dal grup classe cu la modalitât de “flipped classroom” e la sintesi traviers schemis e mapis concetuâls.

LA MAPE

LA MAPPA

I MATERIÂI