Monthly Archives

maggio 2021

Cattura 1
Ic Faedis, Scuola Primaria di Povoletto,

Stâ ben in salût cun pomis e verduris

no comment

Dilunc di chest an scolastic, noaltris fruts e frutis di seconde di Paulêt o vin lavorât in lenghe furlane su argoments di art e di siencis Chestis ativitâts a son ladis daûr dal progjet de scuele che al fevele de salût e dal stâ ben, che a son robis cetant impuartantis.


O vin studiât i colôrs, lis stagjons, lis pomis e lis verduris e … la stagjonalitât tal mangjâ!

IMG_20210518_161254
Ic Faedis, Scuola Primaria di Faedis,

Come un vêr tesaur!

no comment

Savêso cetantis robis che o vin fat in furlan?

Nô di tierce o vin lavorât e studiât cul librut de Preistorie in Friûl e o vin fat ativitâts di leture e scriture e ancje ativitâts pratichis.

O vin realizât un strument musicâl, un piçul vâs e une tele fate cul telâr. Fâ chescj lavôrs nus à plasût une vore!

I nestri lavôrs a son stâts metûts dentri une scjatulute piturade

par puartâju a cjase propit COME UN VÊR TESAUR!

20210526_155156
Ic Faedis, Scuola Primaria di Faedis,

Gjinastiche par furlan!

no comment

Noaltris fruts e frutis di seconde de scuele primarie di Faedis chest an o vin fat gjinastiche par furlan.

O vin imparât a saltâ cu la cuarde, a saltâ indenant, indaûr, a drete e a çampe.

O vin coret, imitât il cjaminâ di tancj animai e o vin fat ancje tancj zûcs.

O vin imparât a zuiâ di “Patate bolinte”, di “Pistolero”, “Bale gjambar”, “Il semafar” …

Si sin divertîts une vore!!!

20210525_182806
Ic Faedis, Scuola Primaria di Attimis,

I ciclis dal timp

no comment

La classe prime de scuele primarie di Atimis e à svilupât un percors CLIL leât al program di storie.

I fruts a àn  fat esercizis , zûcs e schedis par imparâ i events ciclics dal timp…

come lis parts de zornade, i dîs de setemane, i mês dal an e lis stagjons.

Cui materiâi realizâts al è stât costruît un lapbook. Cjalait ce biel!!!

Ancje cheste cjançonute sui dîs de setemane ur à plasût cetant!

AN TAN TES

LUNIS LIS POMIS
MARTARS LIS SCARPIS
MIERCUS I SCUS DAI ÛFS
JOIBE BROADE
VINARS CINISE
SABIDE CJAMESE
FIESTE SI POLSE
FIESTE SI POLSE.

AN TAN TES
SINE MANE PES
AN TAN TES
SINE MANE PES
AN TAN TES
SINE MANE PUPULIS
AN TAN TES
AN TAN TES.

 

imm 4
Ic Faedis, Scuola Primaria di Attimis,

Siencis e ecologjie

no comment

Savêso che chest an o vin fat lezion di siencis par furlan?

Noaltris di seconde classe di Atimis o vin fevelât dai vivents e imparât il non da lis parts da lis plantis e a ce che e covente ogni part. O vin studiât i animâi e viodût ce che a mangjin, cemût che si movin e cemût che a fasin i piçui.

La lezion plui speciâl? Cuant che pe zornade de fieste de Tiere o vin messedât furlan, siencis, inglês e matematiche!

O sin partîts di un video par inglês che nus à spiegât ce che e je cheste fieste, par furlan o vin fevelât di ce che o podìn fâ par tignî di cont la Tiere e cuant che o vin dividût la robe tai bidons juscj, o vin imparât la division matematiche!

 

Cattura4
Ic Faedis, Scuola dell'Infanzia di Povoletto,

Fevelìn Furlan!

no comment

Mandi!

O sin la sezion C, poleçuts 🐥 de scuele de infanzie di Paulêt. O sin 27 fruts e frutis di doi agns e mieç/trê e vie pal an scolastic traviers il progjet “Fevelìn Furlan” o vin scuviert e imparât tancj cjants, filastrocjis e contis de tradizion furlane e ancje i concets topologjics e lis fiestis.

I dîs de setemane, lis parts dal nestri cuarp, i colôrs fondamentâi che a son ros, blu e zâl, ju vin imparâts doprant diviersis tecnichis e materiâi.  

Par fâ i cerclis o vin doprât i tubis di carton de cjarte igjieniche, par fâ lis liniis i rodui e ancje… pinei, colôrs a tempare, acuerei, lane….

O podês viodi i nestris lavôrs in chest piçul video:

Graciis a ducj e mandi!

I poleçuts 🐥 di Paulêt

84751C9E-67C5-4A0D-9181-DF0056FB9664
Ic Trasaghis, Scuola primaria di Osoppo,

Lis flabis di Fedri

no comment

Vie pal an scolastic la mestre e à presentât ae classe tierce di Osôf diviersis flabis di Fedri. I arlêfs si son divertîts in prin a rapresentâ lis storiis, e po dopo a lei in lenghe furlane lis contis. Cumò us contìn une…

La bolp e la cicogne

La bolp e la cicogne une volte a jerin buinis amiis e si viodevin dispès. La bolp però, simpri stade une vore birbone, une dì e decidè di invidâle a gustâ e di fâi un biel scherç. E cjolè dôs scudielis e e de chê mancul fonde a la cicogne che, vint un biel bec lunc, cuant che e finì di gustâ e veve plui fan di prime.

“Ti isal plasût?”, i domandà la bolp fasint bocje di ridi.

“Cemut no po, comari bolp”, i disè la cicogne che no jere tant credençone.  “Par chest ti torni vulintîr la cortesie, tu mi fasis une vore contente se la setemane che e ven tu vegnis tu a gustà là di me”.

E passà une setemane, cuant che la bolp si presentà a cjase de cicogne, cheste i servì il gustâ intun vâs dal cuel lunc e stret e dut ce che podè fâ la bolp al fo di lecâ l’ôr dal vâs!

Cui che le fâs che le spieti!

2A893CFB-5036-4797-9A49-3EFF153C44F2
Ic Trasaghis, Scuola primaria di Osoppo,

I dîs de setemane cui nanui di Blancjenêf

no comment

Nô fruts di prime di Osôf o vin imparât i dîs de setemane in lenghe furlane.

Lunis: al è il plui piçul, si clame Cucciolo, al è cetant ninin.

Martars: cul rafredôr, Eolo al starnude a dutis lis oris. Etcì,etcì,etcì…

Miercus: al è grassut, si clame Gongolo, il galup.

Joibe: ce grant savi, si clame Dotto, nol dismentee nuie.

Vinars: al è un nanul  mumiot, si clame Brontolo il bruntulon.

Sabide: al è Mammolo al à une cjalade dolce.

Domenie: ce ronceâ! Al è Pisolo che al va a polsâ.