Browsing category

Scuola dell’Infanzia Primo Maggio

TONI burattino
Ic Udine 1, Scuola dell’Infanzia Primo Maggio,

Imparìn la sigurece

no comment

Chest an inte sezion C de scuele de infanzie “1° Maggio”, Toni la surîs al è stât il personaç che al à insegnât ai fruts tantis normis di sigurece in cjase, a scuele e par strade, doprant il libri de Aziende Sanitarie “Lusoruts e… cerots”.

I fruts a tacavin ogni incuintri
cun cheste CJANÇON

Toni la surîs
si svee la matine
la muse si lave
cuntun got di aghe.

Al va in cusine
a cirî di mangjâ
un toc di formadi
al rive a mastiâ

 Dute la zornade
al zuie cui amîs
al è simpri content
al si sint in paradîs

Intal jet a sere
i voi al siere
si insumie di svolâ
o intal mâr di nadâ.

teatrin
Ic Udine 1, Scuola dell’Infanzia Primo Maggio,

La surisute Vigji

no comment

Te sezion A de Scuele “Prin di Mai”, chest an e je rivade une surisute: Vigji. Ogni volte che e rivave a scuele, nus saludave cuntune conte:

O SOI VIGJI LA SURISUTE
O VÎF INTUNE BUSUTE,
CUI FRUTS MI PLÂS DI STÂ
E TANTIS STORIIS CONTÂ.
CUANT CHE O SARAI JÙ
MI TIRARÊS SÙ
E SE TU SARÂS GNO AMÌ
O ZUIARÌN DUT IL DÌ!

Cu la surisute o vin discuviert il passâ dal timp, dal Invier ae Vierte. O vin viodût dulà che e vîf la surisute e dulà che o vivìn nô.

Insiemi o vin cognossût lis bestiis de fatorie.

 

Lis cjançons a son simpri un moment di ligrie! O vin cjantât “Pipinot di nêf”, “Il mus di Toni”, Anìn anìn a nolis”, e ancje scoltât storiis e zuiât di “Gjat e surîs”.

IL GJAT AL DÎS:
– SURÎS SURISUTE CE FÂSTU TAL GNO ZARDIN?
LA SURÎS E RISPUINT:
– O MANGJI FORMADI E O BÊF VIN”
IL GJAT AL DÎS:
– SASTU SURISIN, TU SÊS PROPIT UN BIEL BOCON!”
LA SURÎS E RISPUINT:
– NO, PERÒ, PE TÔ PANZUTE… E JO O SCJAMPI!”
E IL GJAT:
– E JO TI CJAPI!

 

 

 

IMG_20170516_135758535
Ic Udine 1, Scuola dell’Infanzia Primo Maggio,

Il viaç di Rino il crot

no comment

Il viaç al è simpri un argoment une vore interessant, ma al è ancjemò plui coinvolzint cuant che a fâlu al è “Rino il crot”. Al è un simpatic crot cu la fate di marionet che al ven animât de mestre e che i fruts de sezion C de Scuele de Infanzie “Prin di Mai” di Udin a àn cognossût l’an passât.

Rino, in chê volte, nus veve fevelât de sô vite, dai siei amîs che a son intal lât, invezit cumò nus à fat cognossi lûcs e situazions gnovis dal so viaç, ma ancje filastrocjis, cjançons e bai de tradizion furlane.

Cun Rino o vin imparât: “Sache burache”, “Sdrindulaitle”, “Voli neri, voli blanc”, “Anìn, anìn a nolis”, “Man, man muarte”, “Ghiri, ghiri, gae”, “I siet pas”.

In ogni incuintri, noaltris fruts o saludavin Rino cuntun grant MANDI e cun cheste cjançon speciâl:

AL RIVE, AL RIVE
AL È RINO IL CROT
CHE AL SALTE E AL VEN FÛR
AL SALUDE DUCJ I FRUTS.
RINO, NESTRI AMÌ
CUL VISTÎT VERDULIN
TU SÊS PROPIT BON
UN AMÌ PARDABON!

 

 

 

I fruts a àn realizât schedis didatichis par fissâ ogni aprendiment. Dutis lis esperiencis di bricolage fatis par meti adun il marionet di Rino e il so zûc, ju àn judâts a imparâ diviersis peraulis in lenghe furlane.

Il percors al è stât apreçât di ducj i fruts e ancje chei forescj si àn passionâts aes peraulis di cheste lenghe che par lôr no je cognossude.