Ce tantis bielis robis che o vin scuviert su “Lis pomis e lis verduris”. O vin imparât i lor nons par furlan , o vin cjalât ben i narançs, ju vin spelâts, gratâts, striçâts, o vin zuiât cu lis scussis, o vin tajât a fetis il narant e lu vin secjât. Po dopo o vin fat un pindul profumât.
![](http://www.dmworld.it/aghisblog/wp-content/uploads/2017/05/thumb_IMG_0421_1024-FILEminimizer-224x300.jpg)
O vin zontât lis verduris fasint un “struc”, dopo di vêlis discriminadis cui nestris sens, e scoltade la interie conte “Arcimbolt, l’ortolan dal Re” di Gjorgjo Pascui.
![](http://www.dmworld.it/aghisblog/wp-content/uploads/2017/05/thumb_IMG_0416_1024-FILEminimizer-300x224.jpg)
![](http://www.dmworld.it/aghisblog/wp-content/uploads/2017/05/thumb_IMG_0375_1024-FILEminimizer-300x224.jpg)
Imparant la conte di “Un zeut di pomis”, o vin fat fente di comprâ e baratâ lis pomis e lis verduris dal nestri zardin. Une dì o sin lâts pardabon in paîs a comprâ pomis e verduris di stagjon e cun chês o sin deventâts artiscj, inventant i nestris cuadris come Arcimbolt. Cu lis gnovis tecnologjis, I-pad e app dedicadis, o vin dât fevele aes nestris oparis!
Chest biel lavôr par furlan nus à plasût un grum, parcè che o vin doprât lis mans, il gust …. e tant divertiment.
O vin sperimentât ancje une recipe di une volte, “pan vecjo, vueli e pomodoros…”
Lis contis, lis cjantis e ducj i zûcs a son stâts moments impuartants par fevelâ par furlan.
Fruts mezans e grancj di cuatri e cinc agns
![](http://www.aghislab.it/agblog/wp-content/uploads/2017/05/thumb_IMG_0719_1024-FILEminimizer.jpg)
“Il zeut di pomis” di Adriano Sabotto
Intal zardin di cjase mê,
plantis e pomars a ‘nd è:
di ogni forme e di ogni colôr,
di bon gust e di bon savôr,
o cîr pomis cun bramosie
e po dopo lis met vie.
Cumò o torni a cjase ben content
di dut chest divertiment.
“Arcimbolt, l’ortolan dal Re” di Gjorgjo Pascui
![](http://www.aghislab.it/agblog/wp-content/uploads/2017/05/thumb_IMG_0715_1024-FILEminimizer-e1494961512766.jpg)
Vert o ros il pevaron
o zâl tant che il limon,
viole e vert l’articjoc
tant che il lidric cul poc.
Ros, zâl, narançon e ancje vert cesaron
vuê tal ort cjapâts sù e doman tal mignestron.
Il pomodoro ros al è bon
la carote e je narançon
bledis, salate e ardielut
dutis verdis tal platut.
Ros, zâl, narançon e ancje vert cesaron
vuê tal ort cjapâts sù e doman tal mignestron.![](http://www.aghislab.it/agblog/wp-content/uploads/2017/05/thumb_IMG_0724_1024-FILEminimizer.jpg)
Cu la cevole e un dint di ai
un sugut come no mai
cun savôrs, selino e osmarin
maiorane, sutive o basili lu insiorìn
Ros, zâl, narançon e ancje vert cesaron
vuê tal ort cjapâts sù e doman tal mignestron.
Blanc e vert il fenoli profumât
il puar e il sparc plui prelibât.
Lis cocis a son une famee strane
tarondis, lungjis o a forme di banane.
Ros, zâl, narançon e ancje vert cesaron![](http://www.aghislab.it/agblog/wp-content/uploads/2017/05/thumb_IMG_0721_1024-FILEminimizer.jpg)
vuê tal ort cjapâts sù e doman tal mignestron.
![](http://www.aghislab.it/agblog/wp-content/uploads/2017/05/thumb_IMG_0730_1024-FILEminimizer.jpg)