ATOR PAL PAÎS

Nô fruts di cuinte o sin lâts a cirî plantis, dentri lis muris.
O vin cjatât une vore di vegjetazion che no crodevin. 

O sin partîts de scuele par lâ dentri tal fossâl dulà che o vin cjatât plantis di tantis cualitâts: la tale, la jerbe pimpinele, e parfin la campanele che il so non sientific al è “campanula piramidalis”.

O vin cjaminât dilunc di vie Mistruzzi dulà che o vin viodût plantis fin jenfri i tombins.

Cjaminant vie pes stradutis la nestre vuide nus à fat viodi che lis plantis a nassin dapardut, o vin di cjalâ ator di nô.

O sin tornâts a scuele contents di vê fat une biele esperience. (Michele e Lorenzo)

SUL PLAN DI SANTE CATARINE

Une dì o sin lâts sul plan di Sante Catarine cuntune vuide, il siôr Alberto Candolini, espert di plantis. L’argoment de zornade al jere il prât.

4000 agns indaûr, la zone di Vençon e jere un grant bosc. In gracie des plenis de Vençonasse e dal Tiliment si son formâts i prins tocs di tiere dulà che si podeve vivi e lavorâ.
Cul arlevament, daspò il prât al à cjapât il puest dal bosc. Il prât al è un puest artificiâl cun elements naturâi.
O vin cjaminât dilunc la strade e daspò o vin cjapât un troi.
Si sin fermâts a cjalâ e a imparâ une vore di nons di plantis. (Valentino e Melissa)

LA AGHE DE VENÇONASSE

Une dì o sin stâts te Vençonasse, il flum che al cor a Venҫon e che si bute tal Tiliment.
O sin stâts compagnâts di une vuide: un espert del Parc des Prealps Juliis, il siôr Candolini.
La aghe de Vençonasse e je cristaline, il ph al jere une vore bon.
Te aghe si cjatin insets, pes, uciei, par esempli il mierli di aghe.
Si pues viodi cetante vegjetazion: vencjârs, piçui pôi…e tant muscli. (Luigi e Cristian)