O sin la classe prime de scuele primarie di Bordan.
Vie pal an scolastic o vin let “La ruie plene di fam”, une traduzion in furlan dal libri inglês “The very hungry caterpillar”.
Si sin tant divertîts fasint zûcs in scuadre su lis robis di mangjâ, i numars e i dîs da la setemane.
Po dopo o vin tacât a studiâ dal vêr i cavalîrs a scuele e alore o vin pensât ben di costruî un ebook par furlan indulà che al jere propite un cavalîr a cjacarâ da la sô vite midiant des nestris vôs.
Dilunc di chest an scolastic, noaltris fruts e frutis di seconde di Paulêt o vin lavorât in lenghe furlane su argoments di art e di siencis. Chestis ativitâts a son ladis daûr dal progjet de scuele che al fevele de salût e dal stâ ben, che a son robis cetant impuartantis.
O vin studiât i colôrs, lis stagjons, lis pomis e lis verduris e … la stagjonalitât tal mangjâ!
Il percors di furlan dai frutins piçui e mezans, inserît tal progjet de Scuele de Infanzie di Atimis “Mangjâ a colôrs”, al à vût une amie speciâl, la ruiute. Chest personaç ur à fat scuvierzi storiutis, cjançons e filastrocjis in lenghe furlane che a àn a ce fâ cui colôrs e cui savôrs des pomis e des verduris di stagjon.
La ruiute e à tante fam di mangjâ cumò i dan
Vierç la bocje, cerce sù…
dopre i dincj, fâs ancje tu
Scolte la cjançon: LA RUIUTE!
Il zeut de Vierte induvine ce che al puarte…
…une freule profumade, dôs carotis narançon,
trê cesarons tal lôr cosul verdon, cuatri armelins par jemplâ la panze e cjariesis in bondance
Savêso che nô mezans de Scuele de Infanzie di Cjampei o savìn fâ il mignestron e il pan?
IL MIGNESTRON
INTUN GRANT PIGNATON
O PREPARI IL MIGNESTRON.
CUMÒ O TAI LA CEVOLUTE
CHE VAÎ MI FÂS UN PÔC.
PO DOPO O CJAPI LA CAROTE
UNE PATATE E I CESARONS
E JU SPELI PARDABON
A TOCUTS CUL PUAR O MET
UNE GRAMPE DI FASUI
NO DISMENTEÂ LA BLEDE
SELINO, COÇUTS DUCJ A CUEI.
AGHE, SÂL, IL TAPON
E AE FIN… IL FÛC!
O MESSEDI DI CUANT IN CUANT
E BIEL MANGJANT O VOI PENSANT
JOI CE BON CHEL MIGNESTRON!
O VIN FAT IL PAN A SCUELE!
INTUNE TERINE O VIN MESSEDÂT IL LEVAN CUN AGHE, FLÔR, SÂL E ZUCAR ZIRANT CU LA SEDON E CU LIS MANS.
