Inte Scuele Secondarie di prin grât “Tiepolo” di Udin o vin scuviert che in Friûl une volte a fasevin
l’arlevament dai cavalîrs e a lavoravin il fîl de sede tes filandis.
– Jo o soi Toni. O soi un cavalîr, 
ma no voi a cjaval.
A pene nassût o ai mangjât dì e gnot tantis fueis di morâr, o volevi cressi e diventâ grant par deventâ une pavee e svolâ in cîl.
Un biel dì, mi cjali atôr e o viôt une robe blancje a forme di ûf, mi fâs anim e i domandi…
– Cui sêstu?
– O soi to fradi…ancje tu une dì tu fasarâs il to fîl e tu starâs inte galete
E cussì al è stât; Toni al à scomençât a fâ la bave, un fîl lunc, lunc …. e a inrodolâsi.
– Fruts, in curt o svolarai atôr pal mont… – al dîs Toni, sierât intune galete.
– Tu ti insumiis! Ti coparan inte aghe bulinte e il to fîi di sede al fasarà il tiessût pal “furniment di une nuvice”. – al rispunit un altri cavalîr involuçât tal fîl di sede.
– O sarai plui scaltri dal om… – al pense Toni
Grate che ti grate, Toni al rive a saltâ fûr prime che a rivin a cjoli il so fîl…
– O soi deventât… une pavee! O voi! Mandi … mandi!
INTERVISTE A NONE LIDIE
O ai domandât a mê none Lidie di contâmi alc sui cavalîrs …
- Jeristu nassude cuant che tô mari e veve i cavalîrs?
Mê mari e à scomençât e vê i cavalîrs cuant che e jere une frute - Indulà levie a cjoli i cavalîrs?
A Nearêt, parsore de latarie, al jere un om che ju deve. Si puartavin a cjase, si ju poiave dongje di une stue par fâju nassi, daspò si meteve lis fueis di morâr che a vevin di jessi ben sutis. - Dopo trop timp si formavie la galete?
Cuindis dîs, ma se al faseve frêt ancje di plui - Fate la galete, daspò ce si fasevial?
I cavalîrs a fasevin la galete su la “pipine”. Si cjapave la galete e cuntune machine si faseve il fîl - Il fîl vignivial fat in cjase?
Sì al vignive filât des feminis , cualchi galete e vignive puartade a Martignà par jessi - Tu tu jeris une frute, ce lavôr fasevistu?
Jo o cjapavi su lis fueis dai morârs e o slargjavi il “jet” indulà che a stevin i cavalîrs. - Jerial cualchi biel moment?
Cuant che a si vierzevin lis galetis al jere un biel moment, si jere in tancj e si rideve tra di nô. - Par fâ une coltre cemût si fasevial?
Une volte cjolte la galete, i cavalîrs a vignivin brusâts. Lis galetis a vignivin lavadis, speladis e si formavin montagnis di fîi che a pesavin pôc. - Fin cuant la tô famee aie tignût i cavalîrs?
Fin dal 1953.
Gracie none pe tô testemoneance
e dal front tra Giuseppe Merlino, soldât furlan de fantarie, e la so femine Linda.
e, o vin ancje aprofondît la storie de Art Langobarde e o vin sperimentât ta tecniche artistiche dal sbalç.
Dut al è nassût di un “compit di realtât” proponût ai fruts e che si è concludût cuntun fassicul dulà che a son stâts metûts adun dissens, elaborâts, poesiis creâts di lôr. In chest percors a son jentradis dutis lis dissiplinis e tra chestis ancje la lenghe furlane.
