Espressîf, teatrâl, sientific: la storie di doi fruts che a viodin la nêf e a decidin di fâ sù un biel pipinot di nêf; il soreli de matine lu disfe e dal pipinot a restin dome i vistîts … ma dulà isal lât il pipinot? Cîr che ti cîr… là sù a viodin un biel nûl blanc!

Ce frêt, ce criure ! L’Invier si prepare

si tapone la lune cuntune niule scure!

Doi fruts a restin incjantâts

a viodi dal cîl chei flocs inglaçâts

menâts dal aiar a somein balarins

po dopo stracs si poin cidins

dut si sblancje dulintor

e une lûs di stelis si spant ator!

Ducj in gjonde i fruts a domandin a la mame

il permés di jessî cun tante brame:

di podê lâ intal curtîl un pôc a zuiâ

a balis di nêf e po dopo a impastanâ

un pipinot di nêf glaçade

cuntune siarpe e la barete fracade!

Ben tabarussâts par no cjapâ frêt…

Finît dut chel divertiment

ognun al va intal jet a durmî content.

E cu la fantasie di frut

al scomence a cjacarâ,

a cori, a zuiâ

a podêlu scoltâ…

ma…

a buinore,

il soreli jevât

al  scjalde di lûs e calôr…

il pipinot  NOL è PLUI!!!

INDULÀ SARAIAL LÂT??